ព្រឹត្តការណ៍ប្រកួតប្រជែងរ៉ូបូតថ្នាក់ជាតិ លើកទី១៣ នៅរសៀលថ្ងៃទី០៦ ខែកក្តដា ឆ្នាំ២០២៦ នៅសាលដំបូលទូក (RUPP) លើវិញ្ញាសា ក្បាច់គុនកុងហ្វូ ដែលរៀបចំដោយអគ្គនាយកដ្ឋានទូរទស្សន៍ជាតិកម្ពុជា។

ព្រឹត្តិការណ៍ Robocon ផងដែរ ជារៀងរាល់ឆ្នាំ មិនត្រឹមតែបណ្តុះស្មារតីយុវជនឱ្យចាប់អារម្មណ៍លើវិស័យបច្ចេកវិទ្យាប៉ុណ្ណោះទេ ប៉ុន្តែថែមទាំងជួយពង្រឹងជំនាញទន់ (Soft Skills) ដូចជា ការដោះស្រាយបញ្ហា ភាពច្នៃប្រឌិត និងការធ្វើការងារជាក្រុមក្នុងយុគសម័យឌីជីថល។

សម្រាប់គោលបំណងនៃការប្រកួតរ៉ូបូតថ្នាក់ជាតិ លើកទី១៣ គឺដើម្បីផ្តល់ឱកាសដល់និស្សិត មកពីបណ្តាលវិទ្យាស្ថាន និងសកលវិទ្យាល័យផ្សេងៗ បង្ហាញសមត្ថភាពស្រាវជ្រាវ និងផលិត ឧបករណ៍បច្ចេកវិទ្យាជារ៉ូបូតដោយផ្ទាល់ក្នុងការចូលរួមប្រកួតប្រជែង និងស្វែងរកក្រុមជើងឯក សម្រាប់តំណាងកម្ពុជា ទៅប្រកួតប្រជែងរ៉ូបូតថ្នាក់អន្តរជាតិនៅទីក្រុងហុងកុង ប្រទេសចិន នាថ្ងៃទី២៤ ខែសីហា ឆ្នាំ២០២៦ ខាងមុខ។

- ក្រុមរ៉ូបូតមកពី វិទ្យាស្ថានជាតិពហុបច្ចេកទេសកម្ពុជា (ក្រុម១) NPIC

- ក្រុមរ៉ូបូតមកពី វិទ្យាស្ថានជាតិពហុបច្ចេកទេសកម្ពុជា (ក្រុម២) NPIC

- ក្រុមរ៉ូបូតមកពី វិទ្យសា្ថនបច្ចេកទេសកម្ពុជា ITC

- ក្រុមរ៉ូបូតមកពី វិទ្យាស្ថានបណ្តុះបណ្តាលបច្ចេកទេស (NTTI)

- ក្រុមរ៉ូបូតមកពី វិទ្យាស្ថានជាតិគ្រប់គ្រង NUM

- ក្រុមរ៉ូបូតមកពី វិទ្យសា្ថនបច្ចេកទេសព្រះកុសុមៈ PPI

សូមអបអរសាទរក្រុមរ៉ូបូតលេចធ្លោ ដែលបានឈ្នះពានរង្វាន់កិត្តិយសពិសេស នៃការប្រកួតរ៉ូបូតថ្នាក់ជាតិលើកទី១៣ ឆ្នាំ២០២៦ កាលពីម្សិលមិញនេះ!
ពានរង្វាន់ពិសេសទាំងនេះ គឺជាសក្ខីកម្មនៃភាពច្នៃប្រឌិត និងការខិតខំប្រឹងប្រែងរបស់ប្អូនៗនិស្សិត រួមមាន៖
- ក្រុម NTTI (ពានផ្នែករចនា)
- ក្រុម NPIC02 (ពានផ្នែកគំនិតច្នៃប្រឌិត និងពានផ្នែកវិស្វកម្ម),
- ក្រុម NUM 02 (ពានប្រជាប្រិយភាព)
- ក្រុម PPI (ពានរង្វាន់តូយូតា)។

សូមអបអរសាទរ ក្រុម NPIC01 នៃវិទ្យាស្ថានជាតិពហុបច្ចេកទេសកម្ពុជា គ្រងតំណែងជា «ម្ចាស់ជើងឯក» នៃការប្រកួតរ៉ូបូតថ្នាក់ជាតិលើកទី១៣ ឆ្នាំ២០២៦ នេះផងដែរ។

ប្រភព: Robocon Cambodia 2026