វិទ្យាស្ថានបច្ចេកវិទ្យាកម្ពុជា និងស្ថាប័នពាក់ព័ន្ធ នឹងរៀបចំសិក្ខាសាលានៃវេទិកាតម្រង់ទិស ស្តីអំពីការចាប់ដំណើរការ នៃកម្មវិធីការប្រកួតប្រជែងការច្នៃប្រឌិត “Techno Innovation Challenge Cambodia 2025”រដូវកាលទី8។
ក្នុងគោលបំណងផ្សព្វផ្សាយជូននូវព័ត៌មានពិស្តារនៃដំណើរការរបស់កម្មវិធី លក្ខន្តិក និងរបៀបនៃការចូលរួមនៅក្នុងការប្រកួតប្រជែងទៅដល់និស្សិតនៅតាមវិទ្យាស្ថាន សាកលវិទ្យាល័យ និងដៃគូពាក់ព័ន្ធទាំងអស់។
វេទិកាតម្រង់ទិសនេះនឹងប្រព្រឹត្តឡើងនៅថ្ងៃទី០៧ ខែឧសភា ឆ្នាំ២០២៥ ចាប់ពីវេលាម៉ោង ១:00នាទី ដល់ម៉ោង០៣:00នាទីរសៀលទីតាំង៖ សាល Conference អគារ A វិទ្យាស្ថានបច្ចេកវិទ្យាកម្ពុជា (សាលាតិចណូ) ។

ការប្រកួតប្រជែងការច្នៃប្រឌិតតិចណូកម្ពុជា (Techno Innovation Challenge Cambodia )គឺជាកម្មវិធីបើកឱកាសអោយនិស្សិតមកពីគ្រប់សាកលវិទ្យាល័យ ឬវិទ្យាស្ថានទាំងអស់ មកពីជំនាញផ្សេងៗធ្វើការចូលរួមសហការគ្នា រចនា បង្កើត និងដាក់បង្ហាញនូវដំណោះស្រាយទៅលើ ការបង្កើតសមិទ្ធផលថ្មីពីវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) ដែលមានភាពច្នៃប្រឌិតខ្ពស់បំផុត សម្រាប់ដោះស្រាយបព្ហាជាក់ស្តែងក្នុងប្រទេស ដែលកម្មវិធីនេះត្រូវបានរៀបចំឡើងដោយ វិទ្យាស្ថានបច្ចេកវិទ្យាកម្ពុជា (សាលាតិចណូ) ដែលមានរយៈពេល ៤ សប្តាហ៏ដែលនឹងធ្វើឡើងរៀងរាល់ចុងសប្តាហ៍។ ក្រុមនីមួយៗត្រូវបញ្ជាក់ពីសមិទ្ធផលគំរូរបស់ពួកគេតាមរយៈការសម្ភាសន៍អតិថិជន និងការស្រាវជ្រាវអាជីវកម្មមួយចំនួន ដើម្បីប្រកួតប្រជែងជាមួយក្រុមផ្សេងទៀតនៅវគ្គពាក់កណ្តាលផ្តាច់ព្រ័ត្រ និងឈានទៅជុំចុងក្រោយ។
ដាក់ពាក្យចូលរួមប្រកួត ក្នុង កម្មវិធី Techno Innovation Challenge Cambodia 2025 ឥលូវនេះ!!!! ដើម្បីបញ្ចេញភាពច្នៃប្រឌិត ដោះស្រាយបញ្ហាក្នុងសង្គម និងប្រកួតប្រជែងដើម្បីមានឱកាសឈ្នះរង្វាន់ជាទឹកប្រាក់ក្នុងការធ្វើធុរកិច្ចថ្មី
-ចុះឈ្មោះតាមរយៈតំណនេះ៖ bit.ly/registrationTICC2025
-ផុតកំណត់ឈប់ទទួលពាក្យថ្ងៃទី ១៦ ឧសភា ឆ្នាំ២០២៥

ប្រភព: Facebook