ដើម្បីចូលរួមចំណែកដល់ការអភិវឌ្ឍធនធានមនុស្សក្នុងវិស័យវិស្វកម្ម ក្រុមហ៊ុន TEM Trading M&E Product Co, Ltd (TEM) បានបន្តផ្តល់អាហារូបករណ៍ដល់និស្សិតឆ្នើមនៅវិទ្យាស្ថានបច្ចេកវិទ្យាកម្ពុជា (ITC) ក្នុងឆ្នាំសិក្សា ២០២១-២០២២។

អាហារូបករណ៍របស់ TEM ត្រូវបានផ្តល់ជូននិស្សិតដោយផ្អែកលើពិន្ទុសរុបរបស់ពួកគេ ឬ GPA នៅក្នុងឆមាសទីមួយ និងប្រចំាឆ្នាំ។ និស្សិតដែលទទួលបានអាហារូបករណ៍ពីTEM គឺជានិស្សិតក្នុងជំនាញវិស្វកម្ម ចាប់ពីឆ្នាំទី3 ដល់ឆ្នាំទី5 លើមុខជំនាញចំនួន 4 នៅ ITC រួមមាន៖

វិស្វកម្មឧស្សាហកម្ម និង មេកានិក (GIM)
វិស្វកម្មអគ្គិសនី និង ថាមពល (GEE)
វិស្វកម្មសំណង់ស៊ីវិល និង វិស្វកម្មស្ថាបត្យកម្ម (GCI)
វិស្វកម្មវារីសាស្រ្ត (HRE)

TEM សូមអបអរសាទរដល់និស្សិតឆ្នើមទាំងអស់ ដែលទទួលបានអាហារូបករណ៍ពីក្រុមហ៊ុន TEM Trading M&E Product Co, Ltd

ក្នុងឆ្នាំសិក្សា ២០២១-២០២២

ក្រុមហ៊ុន TEM Trading M&E Product Co, Ltd គឺជាក្រុមហ៊ុនដែលឈានមុខគេក្នុងការផ្គត់ផ្គង់នូវផលិតផលមេកានិក និងអគ្គិសនីនៅក្នុងទីផ្សារប្រទេសកម្ពុជា។ ជាមួយការរីកចំរើនទៅមុខរបស់ក្រុមហ៊ុន TEM ក៏ចូលរួមចំណែកក្នុងការអភិវឌ្ឍប្រទេសដូចជាការផ្តល់អាហារូករណ៍សម្រាប់និស្សិតឆ្នើមជាដើម។

ជាចុងក្រោយ ថ្នាក់ដឹកនាំក្រុមហ៊ុនTEM Trading និងវិទ្យាស្ថានបច្ចេកវិទ្យាកម្ពុជា (ITC) សង្ឃឹមយ៉ាងម៉ុតមាំថាប្អូននិស្សិត ដែលទទួលបានជ័យលាភីអាហារូបករណ៍ នឹងបន្តខិតខំសិក្សា ដើម្បីទទួលបានការឧបត្ថម្ភនៅលើកក្រោយៗទៀត ហើយយកចំណេះដឹងមកប្រើប្រាស់ ដើម្បីចូលរួមក្នុងការអភិវឌ្ឍប្រទេសឲ្យមានការរីកចម្រើន។ ក្រុមហ៊ុនTEM Trading នឹងនៅតែបន្តកម្មវិធីអាហាររូបករណ៍នេះជារៀងរាល់ឆ្នាំ ។

ការផ្តល់អាហារូបករណ៍​​ TEM​ ដល់និស្សិតឆ្នើមនៅវិទ្យាស្ថានបច្ចេកវិទ្យាកម្ពុជា (ITC) 2021-2022

ការផ្តល់អាហារូបករណ៍ TEM ដល់និស្សិតឆ្នើមនៅវិទ្យាស្ថានបច្ចេកវិទ្យាកម្ពុជា (ITC) 2021-2022