កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស

ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ចំនួន ១,៥លាននាក់។
គោលបំណងកម្មវិធី គឺដើម្បីផ្តល់នូវឱកាសស្មើគ្នាជូនដល់យុវជនមកពីគ្រួសារមានបណ្ណសមធម៌/បណ្ណសម្គាល់គ្រួសារងាយរងហានិភ័យ ដើម្បីទទួលបានការបណ្តុះបណ្តាលជំនាញវិជ្ជាជីវៈ និងបច្ចេកទេស ហើយមានឱកាសការងារកាន់តែល្អប្រសើរក្នុងការបង្កើនប្រាក់ចំណូល និងជីវភាពរស់នៅ។សំគាល់៖ អំឡុងពេលសិក្សា សិស្សនឹងទទួលប្រាក់ឧបត្ថម្ភចំនួន ២៨ម៉ឺនរៀល ក្នុង១ខែ រយៈពេល៤ខែ។

ផ្តល់ឱកាសដល់យុវជនទទួលការសិក្សា ដើម្បីបានឱកាសការងារកាន់តែប្រសើរ
ផ្តល់ការបណ្តុះបណ្តាលវិជ្ជាជីវៈដែលសមស្រប និងទាក់ទាញ ជូនយុវជនមកពីគ្រួសារដែលមានបណ្ណសមធម៌ ពិសេសយុវជនដែលបោះបង់ការសិក្សា តាមរយៈការផ្តល់ប្រាក់ឧបត្ថម្ភ និងមិនបង់ថ្លៃសិក្សា
ពង្រីកវិសាលភាព និងបង្កើនការចូលរួមក្នុងវគ្គបណ្តុះបណ្តាលវិជ្ជាជីវៈពីយុវជនមកពីគ្រួសារដែលមានបណ្ណសមធម៌
ផ្សារភ្ជាប់រវាងយុវជនដែលទទួលបានការបណ្ដុះបណ្ដាលជាមួយនិយោជក ដើម្បីទទួលឱកាសការងារ
យុវជនអាចជ្រើសរើសជំនាញដែលខ្លួនចង់សិក្សាជាមួយនឹងគ្រឹះស្ថានសិក្សាណាមួយក្នុងចំណោមគ្រឹះស្ថានសិក្សាជាច្រើនដែលបានចូលរួមក្នុងកម្មវិធីនេះ (គ្រឹះស្ថានសិក្សារដែរបានចូលរួម)
ជំហ៊ានផ្សេងៗ
ដំណាក់កាលនៃការស្នើសុំចូលរៀន
1/ ដាក់ពាក្យស្នើសុំអាហារូបករណ៍តាមគេហទំព័រ និងគ្រឹះស្ថានសិក្សា
យុវជនដែលមានបណ្ណសមធម៌អាចដាក់ពាក្យស្នើសុំ អាហារូបករណ៍ ដោយជ្រើសរើសគ្រឹះស្ថានសិក្សា និងជំនាញ
2/ពិនិត្យ និងផ្ដល់អាហារូបករណ៍
ពាក្យស្នើសុំត្រូវបានត្រួតពិនិត្យ និងផ្ទៀងផ្ទាត់ជាមួយស្ថាប័នពាក់ព័ន្ធដើម្បីសម្រេចផ្ដល់អាហារូបករណ៍
3/ផ្សព្វផ្សាយលទ្ធផល និងចុះឈ្មោះចូលរៀន
លទ្ធផលនឹងបិទផ្សាយជាសាធារណៈ ហើយយុវជនដែលបានទទួលអាហារូបករណ៍ត្រូវបំពេញបែបបទចុះឈ្មោះចូលរៀនតាមគ្រឹះស្ថានសិក្សា

ពត៍មានបន្ថែម : https://scholarship.tvet.gov.kh/

ប្រភពតេឡេក្រាម Channel: https://t.me/tvetsector

ចុះឈ្មោះចូលរៀនឥតគិតថ្លៃ!!កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស