The 1st Annual Conference of Cambodian Society for Engvironmental Science and Engineering 2026

សន្និសីទនេះជាវេទិកាដ៏សំខាន់មួយ ដែលប្រមូលផ្តុំអ្នកចូលរួមទាំងក្នុងស្រុក និងអន្តរជាតិ ដើម្បីចែករំលែកលទ្ធផលស្រាវជ្រាវ បច្ចេកវិទ្យា និងដំណោះស្រាយជាក់ស្តែង សម្រាប់ដោះស្រាយបញ្ហាបរិស្ថាននៅកម្ពុជា និងតំបន់អាងទន្លេមេគង្គក្រោម។

ក្នុងបរិបទនៃការអភិវឌ្ឍយ៉ាងឆាប់រហ័ស និងការប្រែប្រួលអាកាសធាតុ ដែលកំពុងជះឥទ្ធិពលដល់ធនធានទឹក គុណភាពខ្យល់ និងប្រព័ន្ធអេកូឡូស៊ី សន្និសីទនេះលើកកម្ពស់ដំណោះស្រាយផ្អែកលើវិទ្យាសាស្ត្រ កិច្ចសហការពហុជំនាញ និងការកសាងសមត្ថភាព ព្រមទាំងពង្រឹងបណ្តាញស្រាវជ្រាវ និងគាំទ្រដល់ការសម្រេចចិត្តផ្អែកលើភស្តុតាង ដើម្បីគ្រប់គ្រងបរិស្ថានប្រកបដោយចីរភាព។

គោលបំណងនៃសន្និសីទ (Conference Objectives)
• ការផ្តួចផ្តើមបង្កើត សមាគមវិទ្យាសាស្ត្រ និងវិស្វកម្មបរិស្ថានកម្ពុជា (Cambodian Society for Environmental Science and Engineering - CSESE)។

• លើកកម្ពស់ការផ្លាស់ប្តូរស្នាដៃស្រាវជ្រាវ និងការអភិវឌ្ឍវិជ្ជាជីវៈក្នុងវិស័យវិទ្យាសាស្ត្រ និងវិស្វកម្មបរិស្ថាននៅកម្ពុជា។

• ពង្រឹងកិច្ចសហការ និងការផ្លាស់ប្តូរចំណេះដឹងរវាងស្ថាប័នក្នុងស្រុក និងអន្តរជាតិ រួមមានសាកលវិទ្យាល័យ រាជរដ្ឋាភិបាល និងវិស័យឧស្សាហកម្ម ក្នុងវិស័យវិទ្យាសាស្ត្រ និងវិស្វកម្មបរិស្ថាន។

• គាំទ្រដល់ដំណោះស្រាយផ្អែកលើភស្តុតាង និងទិន្នន័យវិទ្យាសាស្ត្រ សម្រាប់ការគ្រប់គ្រងប្រកបដោយចីរភាពលើធនធានទឹក ខ្យល់ ដី និងបញ្ហាបរិស្ថានថ្មីៗដែលកំពុងកើតមាន។

• លើកទឹកចិត្ត និងជំរុញការចូលរួមរបស់អ្នកវិទ្យាសាស្ត្រ និងវិស្វករជំនាន់ថ្មី ក្នុងការអភិវឌ្ឍវិស័យបរិស្ថាន។

ប្រភព: Institute of Technology of Cambodia - សាលាតិចណូ