បន្ទាប់ពីទទួលបានជ័យលាភីលេខ១ ក្នុងការប្រកួតរ៉ូបូត កីឡាបាល់បោះ ឬ Basketball ដែលតំណាងអោយប្រទេសកម្ពុជា ក្រុមនិស្សិតមកពីវិទ្យាស្ថានបច្ចេកវិទ្យាកម្ពុជា នឹងត្រូវចូលរួមប្រកួតរ៉ូបូត អន្តរជាតិ ដែរប្រារព្ធឡើងនៅ មជ្ឈមណ្ឌលប្រកួត អាសា អារេណា ប្រទេសម៉ុងហ្គោលី! ដែលមានប្រទេស 12 ផ្សេងទៀតរួមមាន Egypt, Fiji, Hongkong, India, Indonesia, Japan, Malaysia, Mongolia, Sri Lanka, Nepal, Vietnam, Thailand។

ការប្រកួតនឹងប្រារព្ធឡើងនៅថ្ងៃទី 24 ខែសីហា ឆ្នាំ2025 ផ្សាយផ្ទាល់តាមបណ្តាញទូរទស្សន៍MNB

ថ្ងៃនៃការប្រកួតនៅក្នុងវគ្គផ្ដាច់ព្រ័ត្រ ក្រុមរ៉ូបូតរបស់ប្រទេសជប៉ុន បានគ្រងដំណែងជើងឯកក្នុងការប្រកួតរ៉ូបូតអន្តរជាតិ នៅប្រទេសម៉ុងហ្គោលី ឆ្នាំ២០២៥។

ហើយក៏សូមចូលរួមអបអរសាទរចំពោះក្រុមរ៉ូបូតកម្ពុជា ដែលបានបង្ហាញពីសមត្ថភាពដ៏អស្ចារ្យ និងទទួលបានពានរង្វាន់ "Best Engineer Award" ក្នុងការប្រកួតរ៉ូបូតអន្តរជាតិនេះផងដែរ។

ចំណែកវិញ្ញាសារថ្មីសម្រាប់ឆ្នាំ ២០២៦ គឺការប្រកួតរ៉ូបូតក្បាច់គុនកុងហ្វូ។

ប្រភព: Robocon Cambodia 2025

ក្រុមនិស្សិតកម្ពុជា មកពីវិទ្យាស្ថានបច្ចេកវិទ្យាកម្ពុជា ចូលរួមប្រកួតរ៉ូបូត អន្តរជាតិ នៅប្រទេសម៉ុងហ្គោលី